E-Book Overview
Friburg: l’Universitad da Friburg, S.a. - 171 p.
Part 2 - lecziuns 17-36.Studentas e students da lingua rumantscha emprendan ad enconuscher las reglas da cumposiziun dal rumantsch grischun sin basa da lur agen idiom. Els entschaivan a scriver la lingua da scrittira unifitgada rumantscha e perfecziuneschan questa cumpetenza durant il semester. En pli emprendan els ad enconuscher l’istorgia dal rumantsch e las discussiun linguisticas e politicas davart l’introducziun dal rumantsch grischun. Durant il curs vegn lavurà cun il med Bainvegni, creà da la Scol’auta da pedagogia dal Grischun e cun divers texts en rumantsch grischun.
E-Book Content
med da rumantsch grischun per Rumantschs
Part 2 lecziuns 17-36
Bainvegni – med da rumantsch grischun per Rumantschs
Lecziun 17 – Modul C L’indicaziun dal temp ed il pronom indefinit i/igl Capacitads linguisticas Rait didactica
Cuntegn dal text
Livels linguistics
Cuntegn dal pled
Furma da la frasa
Furma dal pled
Segn e sun
Accent da la lecziun
Musica
Vegn era tractà
Diever
Cuntegn L’indicaziun dal temp ed il pronom indefinit i/igl.
Finamira PDCs elavuran en exercizis differents terms da l’indicaziun dal temp (ils dis da l’emna, oz, damaun, l’ura etc.) e san far diever correctamain dal pronom indefinit i/igl era en dumondas (inversiun).
Material existent Di e notg 2, carnet da lavur e DC,, Inscunters, Meds d’instrucziun dal Grischun Sprachspiele, Mummm, Manuela Macedonia Macedonia, Veritas Verlag, 2000 Eurotalk - Learn romansh, CD-ROM, ROM, Eurotalk, 2005
2
Bainvegni – med da rumantsch grischun per Rumantschs
Lectura 1
Legia il text e suttastritga pleds nunenconuschents. Temp dals siemis Glindesdi notg Ti es en letg. Igl è notg. Ti dormas. Ti siemias. Igl è mezdi. Jau sun sin ina plazza amez la citad. Autos passan sper mai vi, tuts van enavos. Las motos, ils mopeds ed ils velos van era enavos. Ils vehichels tiban e scalinan. Tuts van svelt. La glieud va en prescha a dretga ed a sanestra sper mai vi. Era ella va enavos. Jau guard suenter ils autos. Ils autos van adina pli svelt. Jau ves dalunsch in entir culm d‘autos. Il culm vegn pli e pli grond. Ils umans sin via guardan sin il culm d‘autos. In um cloma: «Guardai, il culm d‘autos!» La g glieud cloma: «Viva il culm d‘autos!» Jau stun quiet e ma smirvegl. Vuschs e musica sa maschaidan en tes siemi. Nua es ti? In radi da sulegl fa sguzias a tes nas. In isch s‘avra, ti audas pass. In bitsch ta dasda. «Ta dasda, igl è uras da levar! Oz è mardi!» mardi Il mardi è plain vita. Mintgatant fas ti canera ed es legher, mintgatant es ti quiet. Ti vesas adina puspè il culm d‘autos da tes siemi e ti ta smirveglias. Prest èsi saira. Il mardi è stà in bel di.
Mesemna notg Ti es en letg. Igl è notg. Ti dormas. Ti siemias. Igl è la damaun. Jau sun sin ina via stretga sper in prà. Jau admir l‘artg al firmament. I sufla in vent fraid. Il sulegl sclerescha pli fitg. Il prà grond vegn verd cler, l‘er grond vegn brin cler. Ina rotscha d‘utschels tschertga granezza. Jau tschertg in matg flurs per mia mamma a l‘ur da la via. Tranter las flurs ves jau tuttenina in pitschen nanin. Il nanin porta chautschas verdas ed ina giacca mellen clera. Sin il chau ha el ina chapitscha da piz cun ina lunga barlocca. Il nanin nanin auza sia bratscha. El discurra tut agità cun mai, ma jau n‘al aud betg. Tuttenina è il nanin svanì. Pertge? Forsa hai jau disturbà il nanin durant ses silenzi da la damaun. Igl era in nanin charin e fin. Jau vom vinavant e sun cuntent. Vuschs e musica ca sa maschaidan en tes siemi. Nua es ti? In radi da sulegl fa sguzias a tes nas. In isch s‘avra, ti audas pass. In bitsch ta dasda. «Ta dasda, igl è uras da levar