E-Book Overview
Улаан-Үдэ: Новапринт, 2013. – 200 с. — ISBN 978-5-91121-073-1.
Дашабылов Георгий. Звёздное небо: стихи на бурятском и русском языках.Буряадай мэдээжэ поэт, журналист Георгий Цыренович Дашабыловай 75-наhанай ойдо энэ номынь зорюулагдаба. Тоонто нютаг Бургаастай, Хэжэнгэ ба бага наhанай нүхэдые мүнхэлэн бэшэhэн толилогдоогүй зохёолнудынь оробо.Известному бурятскому поэту, журналисту Георгию Цыреновичу Дашабылову исполнилось бы 75 лет. В сборник вошли неизданные стихи и поэмы. Он был многогранен. В сердцевине творчества поэта его малая родина Бургастуй и Кижинга. Он пел, как может петь только Поэт своей Родины.
E-Book Content
Георгий Дашабылов МҮШЭТЭ ОГТОРГОЙ На обложке картина художника В. Базарова © Г. Дашабылов, 2013 Георгий Дашабылов МҮШЭТЭ ОГТОРГОЙ Улан-Удэ 2013 УДК 89 ББК 84 (2Рос=Буря)бу Д 217 Редактор З.Л. Чимитова (Дашабылова) 2011-2014 онуудта бэелүүлэгдэхэ «Буряад хэлэ бүрин үлөөлгэ ба хүгжөөлгэ» гэһэн Буряад Республикын Соёлой министерствын «Уран зохёолой юртэмсэ» гэһэн грантаар хэблэгдээ. Книга издана при финансовой поддержке гранта министерства культуры Республики Бурятия «Мир литературы» в рамках реализации Государственной программы Республики Бурятия «Сохранение и развитие бурятского языка» на 2011-2014 гг. Д 217 Дашабылов, Г. МҮШЭТЭ ОГТОРГОЙ/Звездное небо: стихи/ Георгий Дашабылов. – Улан-Удэ:НоваПринт, 2013. – 200 с. Буряадай мэдээжэ поэт, журналист Георгий Цыренович Дашабыловай 75-наhанай ойдо энэ номынь зорюулагдаба. Тоонто нютаг Бургаастай, Хэжэнгэ ба бага наhанай нүхэдые мүнхэлэн бэшэhэн толилогдоогүй зохёолнудынь оробо. Известному бурятскому поэту, журналисту Георгию Цыреновичу Дашабылову исполнилось бы 75 лет. В сборник вошли неизданные стихи и поэмы. Он был многогранен. В сердцевине творчества поэта его малая родина Бургастуй и Кижинга. Он пел, как может петь только Поэт своей Родины. ISBN 978-5-91121-073-1 ББК 84 (2Рос=Буря)бу МҮШЭТЭ ОГТОРГОЙ ДОРО Георгий Дашабылов наһаараа Дондок Улзытуев, Даша Дамбаев, Лопсон Тапхаев гэгшэдэй буряад поэзидэ үндэр шатануудые табин ерэһэн дуушадай үетэн һэн. Уран бэлигээрээ тэдэ шатануудые бодхоолсоһон поэт. Тэрэ 1938 ондо Хэжэнгын аймагай Ушхайта нютагтай зэргэшэһэн Бургаастайда түрөө. Түрэһэн тоонтоёо ямар һайханаар дурдан бэшэнэб: «Добын долоон хүбүүд» гэһэн поэмэ-шүлэгыень зүрхэ сэдьхэлээ хүдэлгэн уншанабди, нютагтахи үдэшэнүүдэйнгээ зураглалда ямар гоё шэрэ будагуудые хэрэглэнэб, «нютагай һэбшээндэ» нюур сээжэеэ һэрюусүүлэн зогсонобди!.. Хэжэнгэ манай буряад зохёолдо Хоца Намсараевай, Бато Базароной уран үгөөр магтагдаһан, Бау Ямпиловай хүсэтэ хүгжэмөөр шэнхинэһэн нютаг гэжэ анханһаа бидэ омогорхонобди: энэ үльгэр домогто үргэн замые Георгий Дашабылов аха нүхэр Цэрэн Галановтайгаа үргэлжэлүүлэн татаа бшуу – поэт тоонто нютагаймни тэгшэ һайхан талада Хэжэнгын дасан һэргээгдэн бодохонь гэжэ сэдьхэлээ хүдэлгэн баярладаг һэн. Георгий Дашабыловай уран шүлэглэлдэ орон нютагайнь, гүрэн түрын аялганууд аргагүй оролсоно: юуб гэхэдэ, Эсэгэ-Ороноо хамгаалгын дайнай үедэ балшар наһаниинь тудаа, һургуулида Совет гүрэнэй хүгжэлтөөр омогорхон хүмүүжүүлэгдээ, хүдөөгэй хүнгэн бэшэ ажалда хүлһэ адхаһан, гараа холгооһон юм ааб даа, түрэл колхоздоо хамсыгаа шуулсан оролсожо байтараа, сэрэгэй албанда абтаад, Туркменидэ Памир хадада СССР-эй хилын харуулда алба хэхэдээ, аюултайшье ушарнуудта ороо. Ажабайдалайнгаа түрүүшын алхамуудһаа эрэ хүнэй, эрхэтэнэй харюусалга иигэжэ ойлгоһон байха. Сэрэгэй албанһаа бусаад, «Буряад үнэн» сониной ажалшан болоо, Буряадай багшанарай дээдэ һургуулида һуралсаа, «Буряад үнэнэй» соёл болон һургуулинуудай таһаг даагшаһаа КПСС-эй ЦК-гай дэргэдэхи намын дээдэ һургуулида Москва хото 1968 ондо эльгээгдэһэн юм. Бидэ Георгий Цыреновичтэй Москвада, «Старая Руза» гэжэ уран зохёол